शेतकऱ्यांच्यासाठी सुवर्ण संधी आता ठिबक आणि तुषार सिंचनसाठी ९०% अनुदान

आता ठिबक आणि तुषार सिंचनसाठी ९०% अनुदान 

आज आपण शेतकऱ्यांच्या तुषार सिंचन आणि ठिबक सिंचन ह्या योजनेच्या बाबतीत माहिती घेणार आहेत. महाराष्ट्र शासन, केंद्र शासन आणि कृषी विभाग महाराष्ट्र राज्य यांच्या मार्फत कृषी योजना राबविण्यात येत असतात. पण त्यांची सर्व माहिती ही तळागाळातील शेतकऱ्यांना योग्य वेळेत पूर्ण माहितीसह पोहोचत नाही. आज आपण राष्ट्रीय कृषी योजनेच्या अंतर्गत 'प्रति थेंब अधिक पीक' ह्या योजनेची माहिती घेणार आहोत.

महाराष्ट्र शासन कृषी विभाग राष्ट्रीय कृषी विकास योजने अंतर्गत 'प्रति थेंब अधिक पीक' घटक ठिबक व तुषार सिंचन बसवण्यासाठी शेतकऱ्यांना सुवर्णसंधी उपलब्ध करून देण्यात आली आहे.

ठिबक व तुषार सिंचन संचासाठी अनुदान देय ही योजना लागू करण्यात आलेली आहे. सदरची योजना ही राष्ट्रीय कृषी विकास योजना अंतर्गत येत आहे. योजनेसाठी खास नाव म्हणजे  'प्रति थेंब अधिक पीक, हे देण्यात आलेले आहे.  महाराष्ट्र शासन कृषी विभाग यांचा हा एक महत्त्वाचा संयुक्त उपक्रम आहे. या योजनेमध्ये शेतकऱ्यांची वर्गवारी निश्चित केलेली आहे. त्यामध्ये अल्प व अत्यल्प भूधारक आणि बहु भूधारक शेतकरी सहभागी होऊ शकतात. मुख्यमंत्री शाश्वत कृषी सिंचन योजना, राष्ट्रीय कृषी योजना, बिरसा मुंडा कृषी क्रांती योजना आणि डॉ.बाबासाहेब आंबेडकर कृषी स्वावलंबन योजना मिळून एकत्र करून 'प्रति थेंब अधिक पीक' ही महत्त्वाची योजना बनवण्यात आली आहे.

पंतप्रधान शेतकरी सन्मान योजनेचे २००० ₹ तुमच्या खात्यात आले का येथे क्लिक करून पहा

 ● सर्व सामान्य शेतकरी -

अल्प आणि अत्यल्प भूधारक शेतकरी - 

ठिबक व तुषार सिंचन संचासाठी अल्प व अत्यल्प भूधारक यांच्यासाठी राष्ट्रीय कृषी विकास योजना 'प्रती थेंब अधिक पीक'  यांच्याकडून ५५ % आणि मुख्यमंत्री शास्वत कृषी सिंचन योजना यातून २५ % असं एकूण ८० %  अनुदान देय असेल.  

बहू भूधारक शेतकरी -

बहु भूधारक शेतकऱ्यांच्यासाठी राष्ट्रीय कृषी विकास योजना 'प्रति थेंब अधिक पीक' तर्फे ४५% आणि मुख्यमंत्री शाश्वत कृषी सिंचन योजना तर्फे ३० टक्के असे एकूण ७५टक्के अनुदान देय असेल.

शेतकऱ्यांच्यासाठी आता हॉस्पिटलमध्ये मोफत उपचार मिळणार अधिक माहितीसाठी येथे क्लिक करा

● योजनेची वैशिष्ट्ये - 

 ◆ महा डीबीटी संकेतस्थळावरून २४×७ अर्ज प्रक्रिया सुरू आहे. 

◆ संपूर्ण प्रक्रिया ऑनलाइन असून हार्ड कॉपी सादर करण्याची         

    आवश्यकता नाही.

◆ पारदर्शी ऑनलाइन सोडत पद्धत पाच हेक्टर पर्यंत लाभ मर्यादा आहे.

◆ शेतकऱ्यांच्या आधार लिंक बँक खात्यामध्ये अनुदान थेट जमा होते.

◆  केंद्राच्या सुधारित खर्च मर्याप्रमाणे सर्व पिकांसाठी अनुदान उपलब्ध 

     आहे.

अनुसूचित जमाती प्रवर्गातील शेतकऱ्यांसाठी

● राष्ट्रीय कृषी विकास योजना 'प्रति थेंब अधिक पीक' घटक व बिरसा मुंडा कृषी क्रांती योजना मिळून सूक्ष्म सिंचन संचासाठी ९० % पर्यंत अनुदान. 

अनुसूचित जाती व नवबौद्ध शेतकऱ्यांसाठी

● राष्ट्रीय कृषी विकास योजना प्रती थेंब अधिक पीक घटक व डॉक्टर बाबासाहेब आंबेडकर कृषी स्वावलंबन योजना मिळून सूक्ष्म सिंचन संचासाठी ९० % पर्यंत अनुदान.

"प्रगती थेंब अधिक पीक योजना स्वरूप - 

आपल्या महाराष्ट्रातील शेतकऱ्यांना आधुनिक सिंचन प्रकल्पाकडे वळविणे. पाण्याचा योग्य प्रमाणात वापर करून कमी खर्चात आणि कमी कष्टात अधिक कृषी उत्पादन घेणे आणि उत्पादन खर्च कमी करून शेतकऱ्यांना स्वावलंबी बनविणे हा या योजनेचा मुख्य उद्देश आहे.

 

“प्रति थेंब अधिक पीक योजना अटी आणि पात्रता 

राष्ट्रीय कृषी विकास योजनेअंतर्गत प्रतिथेम अधिक पीक योजनेचा लाभ मिळवायचा असेल खालील अटी व पात्रतेची पूर्तता करावी लागेल.

१) योजनेअंतर्गत सूक्ष्म सिंचन घटकाचा लाभ मिळवण्यासाठी शेतकऱ्यांपाशी सिंचनाची सुविधा उपलब्ध असावे लागते.

२) शेतकऱ्याचे स्वतःचे आधार कार्ड असावे.

३) अर्जदार शेतकऱ्याकडे स्वतःचा ७/१२, ८- अ उतारा असावा.

४) या योजनेअंतर्गत शेतकऱ्यांना स्वतः नोंदणी करावा लागेल.

५) तसेच शेतकऱ्यांना स्वतः आधार प्रमाणीकरण करून घ्यावे लागेल.

ऑनलाइन नोंदणी आणि अधिक माहितीसाठी महाराष्ट्र शासनाच्या वेबसाईटला येथे क्लिक करून भेट द्या

 प्रति थेंब अधिक पीक ह्या योजनेचा लाभ घेण्यासाठी कृषी विभागाच्या वतीने आवाहन करण्यात आले आहे. अधिक माहितीसाठी नजीकच्या कृषी कार्यालयाशी संपर्क साधावा. 

आता गावानुसार मतदार यादी आली आहे तुमचे नाव येथे क्लिक करून पहा.